Јарослав Хашек (1883- 1923, Чешка) е еден од најчитаните и најславните чешки прозаисти. Се смета за мајстор на хуморот во светски рамки. Хашек, користејќи традиционални теми од животот на обичниот човек, ги исмева малограѓанштината и човековите слабости на автентичен начин. Своите хуморески често ги насочува кон политичарите, бирократијата, бесмисленоста, стереотипите, суровоста и лудоста на милитаризмот. Автор е на стотици раскази, хуморески, политички сатири, анегдоти и есеи, како и на романот Доживувањата на добриот војник Швејк, кој му носи светска слава. Неговата проза е провокативна, разиграна и субверзивна.