Летечките чинии слетаа во Делчево е збирка научнофантастични приказни од Балканот, во која се застапени автори од Словенија, Хрватска, Србија, Македонија и Албанија.

Еден од водечките пионери на југословенската научнофантастична сцена, Зоран Живковиќ, еднаш одамна го запраша светот зошто летечките чинии никогаш не слетуваат во Лајковац, туку секогаш се стационираат во Њујорк, Токио или во Лондон. Живковиќ алудираше на локалните книжевни сцени и на тоа колку треба да се трудиме да ги познаваме, негуваме и да ги промовираме. Неколку децении подоцна, со оваа збирка научнофантастични приказни од Балканот сакаме да му оддадеме почит на Живковиќ и да му одговориме дека летечките чинии сепак слетуваат и во Лајковац, но и во Круја, Велико Трново и Загреб.

Маријана Јанческа е родена во 1987 година. Дипломирала на Катедрата за македонска книжевност и јужнословенски книжевности на Факултетот „Блаже Конески“ во Скопје, а магистрирала на Институтот за македонска литература. Застапена е во домашни и странски зборници за проза и за поезија.  Автор е на теоретската книга Синдромот обезгласеност (2019).

ISBN  978-608-4885-43-6